...وإنتي بعيدة.....
وإنتي بعيدة بأحلم بيكي
وياخدني الحلم ف لياليكي
وأنسي الدنيا لأنك جنبي
أصل الدنيا ساكنة عينيكي
........
وإنتي بعيدة عايش حبك
وأحس بقلبي بدقة قلبك
وألقي سنيني تايهة ف بعدك
ووقف عمري وأبقيه ليكي
........
وإنتي بعيدة قلبي معاكي
طفل بيحبي ف دنيا هواكي
شاف الحب يوم ما لقاكي
عايش بس عشان يرضيكي
........
وإنتي بعيدة كاتبلك كلمة
طال البعد كملت الغنوة
زاد الشوق مليت الدنيا
غناوي توصف شوقي إليكي
.........
وإنتي بعيدة شايفك جنبي
سامع صوتك ف دقة قلبي
تقولي بحبك أقولك عمري
مستني يعيش لما ألاقيكي
.........
وإنتي بعيدة معاكي العمر
صعب ف بعدك أيامي تمر
أحلامي معاكي تهون طعم المر
مستني ترجع تاني لياليكي
.......
وإنتي بعيدة حبك باقي
عايشه بفرحه بمره بأشواقي
العمر ف بعدك لسة شراقي
مستني لمسة إيدي لإيديكي
......
أيمن بلال
ليست هناك تعليقات:
إرسال تعليق