......في زمنك بأعيش.....
سيبيني ف عينيكي أعيش
مش مهم مين أنا
ولا إزاي جيتلك هنا
ولا تسألي عن حبنا
خليني ف عينيكي أعيش
إوعي تغمضي عني عينيكي
إوعي تبعدي إيدي عن إيديكي
خليني أعيش عمري بيكي
ياحلم إتمنيت ما ينتهيش
أنا وإنتي لحظة ميلاد
ولا كنا يوم أبدا بعاد
إحنا إتقابلنا ف زمن فات
ومن حلاوته راجعين ليه نعيش
ف عينيكي دنيا آه من رمشها
خدني في ثانية لليل عشقها
ده أنتي دنيا والرضا طبعها
وأنا جاي ليها ونفسي أعيش
حبك كان أمل وحققه زماني
بنظرة هوي خدني ف ثواني
ياحب أجمل ما فيه جناني
حلو جنوني لما ف هواكي يعيش
قربي خلينا نعيش زمن حبنا
صعب تاني حد يفرقنا عن بعضنا
مش مهم مين إنتي ومين أنا
د أنا قلب في زمن حبك يبعيش
....بقلم الشاعر... أيمن بلال
ليست هناك تعليقات:
إرسال تعليق