***القُدس فدّمْ...ونْتَ تسْوَى خْرُوج الرّيحْ وحدّك تمّْْ***
------------------------------------------------------------------------------------------------
**زجل مغربي، يسعدني إدراجه في سياق التضامن مع القدس الشريف، وتعريفاً بنماذج من الكتابة الزجلية المغربية المُقتسمة لبعض مفردات الفصيح... قراءة ممتعة أتمناها لكم. **
"""""""""""""""""""""""""""""""""""""""""""""""""""""""""""""""""""""""""""""""""""""""""""""""""""
هالْمَا طَابْ سْبولةيالحْبابْ ْوالسّكّر مَا تْصابْ
المَرِيكانْ كَامْهِيرْ كَمانْ بايْبَايْ وخْوَا لقْرابْ
بقْشيشْ النّفْطْ دازْ لترامـْبْ وادْ ومسْرَابْ
العاصمة قدْس گالْها المِسترْ الحَلُّوف ترامب
هاذا رَيُّو مسْكِينْ وريّ شْلُومو مافيهْ مايتْعابْ
حلّوف يْهودي لبْني صُهيونْ خدّامْ عْزيزْ وعرّابْ
شاشيّةْ الحزاّن ورزّة حاكمْ لعْربْ تْخاواو حْبابْْ
گُولُو نْعَامْ وْآمينْ ونْيُوفْكومْ مضْرُوبة فتّرابْ
الحاكمْ العرْبي محزّمْ يشْطحْ ويلوّزْ يا عَجابْ
الرّكْزة دْجازْ بْغاهَا ترامبْ مهرّسْ الحلاَّبْ
حكّامْنَا يعْطيوْ الصّبعْ لترامْب تحْتْ الجلاَّبْ
الرّجلة حشْمانة تزنّگاتْ وكْحالتْ فْلونْ غْرابْ
الخوفْ عرْبي مسْلمْ ماعَادْ يْهودي يالَصْحابْ
ولِّي زغرْتاتْ عْليه مُّو يخسّر الْخاطرْ لترامْبْ
الْحاكم العرْبي سْخيّٰ زاركْ طايعْ وْجاكْ وْجابْ
رْضِي عْلِينَا عَافَاك ْ الْوَالِي سِيدِي تْرَامْبْ
ماگدّكْ القُدسْ نْزِيدُوكْ مكّة وزمْزمْ شْرَابْ
مازُوطْنَا وفْلوسْنَا دْيالكْ وقْلُوبْنَا ليكْ كَبَابْ
كلّ منْ خسّرْ ليكْ الْخَاطرْ نبعْرُولُو حْدُا الْبابْ
مَايهمّكْ شْعِيبة رْجَالْ ونْسَا وْشِيَّابْ وْشْبَابْ
اللّْجَامْ منّا ياكْلُو لمْسِيوْطَة في خاطرْ تْرامب
الحاكمْ الْعرْبِي تابْ بعْدْ ماشابْ وعلّقْ حْجَابْ
خمّمْ وْگَالْ تْرامبْ يسْتَاهلْ قبّة ليها عشْرْ بْوابْ
نْطوفُو عْلَى قَاعُو بْمَا زْهرْ وْمَاوردْمعمّرْ فلقْبابْ
اللّه يلْعنْ لِّيمَا يحْشمْ ياحكّامْ هَابْهابْ يالكْلاَبْ
الضّرسة لمسوّسة يلزمْها ياسيدي حجّام وْكَلاَّبْ
وْسيدْكومْ ترامب يسْوَى خْروج الرّيحْ وْبولْ فتْرابْ
**بقلمي عبد الحق توفيق البقالي **
ليست هناك تعليقات:
إرسال تعليق