يابهية قولى السبب ............. للى جرى فيكى.
وليه دموع الغضب ............. شايفها ف عنيكى.
مهما يكون السبب ............. واللى حصل ليكى.
قولىلى إيه ينكتب ......... وانا اكتب حكاويكى.
قالت كلام إنكتب .............. أثر كتير فية.
خلانى احس بغضب ........... ودموعى ف عنية.
قلتلها إيه الحكاية ............... قالتلى دى قضية.
وده سر شيلاه معاية ....... مقدرش أبوح انا بيه.
أصل الحبيب ف البداية .........كان ليا وياه عهد.
حكايتنا تفضل ما بنا .............. مايخش بنا حد.
لو كنت عشت مابنا ............ للمست عشق بجد.
دلوقتى ليه هنا ................ وهواننا ملوش حد.
وبقول لنفسى ........................ عمرك ماخنتى.
ليه بس هنتى ..................عاللى عشقتى بجد.
وصبح مابينك وبين حبيبك..عوائق ف آخرهاسد.
عائق يعوق الأمل .................وسد يسد طريق.
ماعرفش إيه العمل ...........ف حبيب أظنه برئ.
نفسى نحقق أمل ................تحقيقه حلم جرئ.
وامشى ف طريق النجاح ...ويكون حبيبى رفيق.
يابهية باتمنى ................... إنى ف يوم أتهنى.
وافرح ف يوم بيكى ....... وانتى ف طريق وياه.
واجى أهنيكى .................. واكتب كلام أقراه.
كلام يكون توبك ...........توب عشقك لمحبوبك.
وهو يكون يستاهل ............كلام كأنه مكتوبك.
أشرف بيومى البديوى
ليست هناك تعليقات:
إرسال تعليق