ياعرب
احنا اللى نستاهل
سبنا لهم وطنا بالساهل
لما بقينا مانستاهل
اخدو منا الارض
وهتكو العرض
ومنعونا يااقصى
فيك نأدى الفرض
وناس تقول بندين
وغييرهم يشجب ويستنكر
واخوه للمسلمين بتكفر
ونسيو آن قبلتنا الاولى
من كل دا اكبر
ضاعت منا عروبتنا
وبقينا شعوب بتتأخر
امتى يجى اليوم ونتقدم
رئيس مشنوق وطفل متكفن
وف الخيانه ناس بتتفنن
طب لو رمزنا انسرق
وعلم عروبتنا اتحرق
وضحكو علينا بالورق
وبقينا يادوب حتت خرق
مين هيبكى ولا ينوح
وحمامك ياقدسنا
نصه هان واستهان
والباقى حمام مدبوح
يعنى جسد وماله روح
ومين هيدافع عليكى
مغلوله ياارض العروبه
واسير اغلى مافيكى
على البلا مغصوبه
ومتعصبه عنيكى
ماليكى غير واحد احد
هو اللى يقدر يحميكى
الشاعر/عزالدين جبريل
ليست هناك تعليقات:
إرسال تعليق