‘‘‘‘‘‘‘حالة جنون‘‘‘‘‘‘‘
لو بإيدي إختيار
لأخلي ليلي نهار
ولا أسهر ليكي أغني
ولا أبنيلك في قلبي دار
‘‘‘‘‘‘‘‘‘
لو بإيدي قلبي وحبي
ما رسمت خيالك جنبي
ولا قلت وكنت أخبي
وخليتك سر م الأسرار
‘‘‘‘‘‘‘‘‘
لو بإيدي ما كنت عشقت
وكنت عن كل الهوي تبت
ولا حتي في ليلي سهرت
ولا إحتار في أمري النهار
‘‘‘‘‘‘‘‘
خلتيني ليه من العاشقين
أسهر ليالي الهوي الحزين
وأعيش دموع المجروحين
ويبقي بيني وبين الفرح جدار
‘‘‘‘‘‘‘‘
ما كنت ناسي دنيا الهوي
ولكل عاشق بوصفله الدوا
جيتي إنتي وقلتي سوا
هنعيش الحب ليل نهاااار
‘‘‘‘‘‘‘‘
كان مالي بالحب والأحباب
ده عالم كان عني راح وغاب
جيتي إنتي ومن غير أسباب
خليتي قلبي لهواكي طار
‘‘‘‘‘‘‘
وف عينيكي رحت وراح زماني
وبقيتي إنتي دنيتي وأحلامي
تنام علي عينيكي لياليا وأيامي
وبين إيديكي تبقي الحياه مشوار
‘‘‘‘‘‘‘‘‘‘
وده اللي جرالي وغير كل كياني
غيرتي أحوالي بحبك لما جاني
ياتاخدي عمري ومعاه زماني
ياترجعيني زي ما كنت بلا أسرار
‘‘‘‘‘‘‘‘‘
ياحب وإنتي سجني وسجاني
عاشق فيكي أسوارك وحرماني
كفاية عينيكي ورا قضبانك حرساني
كفاية حبك أعيشه ليل نهااااار
‘‘‘‘‘‘‘
أيمن بلال
ليست هناك تعليقات:
إرسال تعليق