السلام عليكم ورحمة الله وبركاته
احبابى
اليكم كبسولة بشكل جديد
ءءءءءءءءءءءءءءءء
ء ثمانيات ابن قريطنه ء
ءءءءءءءءءءءءءءءء
ياللى نويت الخيانةالأصل عندك مفيش
ياما ادعيت الأمانة وضمير معاك متلاقيش
السبحة ديمن ف إيدك دوختها م اللف
ويخف عقلى أما اصدق بيت يعلا بالتهبيش
ءءءءءءءءءءءءءءءءءءء
الندل مهما عليى ف عنيك يكون واطى
لو يوم بعينه رأاك راح ينسى ويطاطى
وفلحظة يرجع لأصله مهماعماه المال
وان مال عليك الزمن تطلب من العاطى
ءءءءءءءءءءءءءءءءءءء
مهما عليت م الحرام إعللى وما تقليش
المال ف لحظة بيخلص يمكن يروح مايجيش
عمرك ها يكمل ندم ع اللى كسبته حرام
فى حرام أوام تصرفه وعمره ما يعليش
ءءءءءءءءءءءءءءءءءءء
قالولى من كام سنه فيه عولمه جايه
ﻻزم تظبط حياتك لحياة ماهش هيه
مليانه كذب وخداع كام ضاع ضمير فيها
وماليها شوشو بفتن نصب الشراك خيه
ءءءءءءءءءءءءءءءءءءء
ووقعنا فيه كلنا وﻻ حد كان سمه
شغل الكتير مننا بالهيصه واللمه
واحنا بعمانا رضينا نمشى وراه نايمين
على فين صاحبناواخدنا على قبر ليه ضمه
ءءءءءءءوعجبىءءءءءءء
ءء مع تحياتى ابن قريطنه ءء
💐💐💐💐💐💐
💐💐💐💐💐
ليست هناك تعليقات:
إرسال تعليق