احكي يا موج البحر ... محمد عبدالعزيز دراز
احكيلها يا موج البحر عن قلبي واللي جرالوا
الساعة في بعادها شهر والقلب اتغير حالوا
احكيلها يا موج البحر قلبي بيعشق وصالوا
إن كان شوية دلع اسألهم طب ليه طالوا
وإن كان فراق بجد اتحمل شوية ومالوا
يابحر الهوى انا عاشق وعشقها صابني
سهرت الليل في عشقها والقمر نصبني
اكون حارس قلبها اللي في الاخراهو سابني
قعدت حزين على شطك وفراقها معصبني
وملح عيني يفوق ملحك من كتر ما صابني
احكيلها يا موج البحر عن وحدتي وخوفي
قولها مسافر بلا عودة وهتسمعي وتشوفي
احكيلها قبل الرحيل انا لسه مادد كفوفي
ترجعي في لبس الاحرام وفي كعبتي تطوفي
وإن مسمعتشي الكلام انا هنزعك من جوفي
ليست هناك تعليقات:
إرسال تعليق