لغتنا الجميلة
صباح الخيرعلى ناس مهرية
نحو وصرف وصورة بلاغية
وإستعارات مكنيات
والكنايات وصور خيالية
ياللي درستم لغة عربية
ياناس أنصار محو الأمية
شوفوا وصلنا لفين دلوقت
على إيد ناس جاهلة وفقرية
يبقى الواحد منهم شحط
ويقول فشخ إحلقله و فحت
وكلام تافه وكلام هايف
وكلام بس يشد لتحت
ياشباب فاكس ياشباب تيت
ياشباب في التفاهات بيظيط
فكروا حبة بقا في لغوتكم
تلقاكو جيل أهبل وعبيط
درستم إيه بس في مدارسكم
ولا إتعلمتوا إنتوا في فيسكم
ونقلتولنا كلام ماله معنى
من تفانين معجم إبليسكم
كلمتكوا أنا بلسان منكم
يمكن تفهموا إني فاهمكم
حطوا كلامي حلق في ودانكو
ياإما خيبتكم على وكستكم
بقلم طارق السيد
ليست هناك تعليقات:
إرسال تعليق