........ همسة شوق.......
فيكي همسة شوق حاسسها
نفسي تنطقها الشفاه
ساكنه فيكي ومالكه روحك
منها قلبي ذاد دفاه
والطريق في بحور وصالك
لأخره ماوصلتش مداه
عايز ابقى ليكي غنوه
بحرها ينبض حياه
وابقى فيه قبطان خيالك
مركبي طوقها النجاه
يالي حبي فيكي قصه
خادتي فكري وعقلي تاه
نفسي ابقي طير بعشك
صوتي غرد فيه شذاه
وابقى طاير فوق غصونك
صقر يحمي فيه سماه
ولم قلبك ليا ينده
أجرى واتغزل لقاه
ليه ياغاليه بعيده عني
ولاقلبك زاد جفاه
دانتي عندي الدنيا واكتر
اغلا حب من الإله
يالي عشقك فيا ساكن
سهمك انتي ال رماه
كل ماأجي ياغاليه أقرب
تبعدي وبعدك قساه
اقول لنفسي اكيد حيرجع
اولقلبي خلاص نساه
.........................
كلماتي جمال زياد
ليست هناك تعليقات:
إرسال تعليق