لسه الشمس مكانها
************
لسه الشمس مكانها
بَعدك مش ها تغيب
والأيام على حالها
بتودى وبتجيب
وإللى صادفته معاك
أهو بكره أنساه وأنساك
إن كان فرح
أهو عشته وراح
وإن كان جرح
أهى ياما جراح
فى الهوى بتطيب
*********
أنا عودتك تقسى وأصالحك
تجرح قلبى وبرضه أسامحك
تنسى وجودى وأحاول أنسى
إن كيانى تاه فى ملامحك
لما القلب ملآه إحساس
إن الحب فى دنيا الناس
بقى تعذيب
**********
أوعى تفكر إنى بألومك
أو فى كلامى أى عتاب
أللى أتعود يغدر دايماً
مش هايصحى ضميره عتاب
أما إن كان على قلبى أهو تاب
بعد ما شاف م الحب وداب
أصبح بينى وبينه عمار
وإتعلمنا إزاى نختار
م الدنيا حبيب
*******
محمد عبد المنصف
ليست هناك تعليقات:
إرسال تعليق