***"**** الاقصر****"***
بقلم الشاعر مصطفي احمد
افتخري وقولي مصريه
لآثار العالم واخده التلت
ياعيون غربيه و شرقيه
انا عارف قلبك ليا يرق
وتطير ففضاها وغنويها
انا شمس تاريخ وبيتحدى
ومسله اتسلى بحكاويها
وعصور وجسور بموده
وملوك ورعايا عاشوا فيا
وسلام الطبع يجملها
ونقوش بتحكي عنيها
وحروف الحب يكملها
جرب مره عدي وفوت
متحف حفره الجد ف صخر
بحلق شوف حتشبسوت
من غير سخره ومن غير قهر
لف اتفرج زور الكرنك
خطي وسمي الله اكبر
صوت وضوء مش بنهرج
تمثال يحكي خلق تعمر
تبني حضاره عريقه واكتر
وخلق يوميها ف جحر بتهرب
تزرع خير والخلق بتكتر
والعالم مزهول مستغرب
ماضي يشرف يرفع راس
هات كراس وقلم دون
ناس الاقصر اجدع ناس
وتاريخنا يكتب ويلون
بقلم مصطفي احمد
مليون تحيه لأهل الاقصر
ليست هناك تعليقات:
إرسال تعليق