شعر / محمد رضوان
وصل با طير مكتوبي
وسلم ع الحبيب
بوسلي خده وكمان ايديه ...........
قوله يا طير انه واحشني ..
عيني منمتش لما فارقت عينيه ..
ليه ناسيني ومصعبتش عليه ..
ودموعي في منديلي
كل ليه تناديه ..
قوله يشوف مكتوبي ..
وكتباله فيه ايه ..
يمكن يحن لدنيتي ..
وحضني اللي اتحفر صدره فيه ..
قوله معرفتش اكتب زيه اشعار ..
سيباها لقلبي من الكلام يختار
اتغزل في عنيه .........
واحتار اكتب ابه عليه
وشعره اللي كتبه ليا محتفظه بيه ..
شبهني بالقمر في سهر لياليه ..
والقدر علي جبينه مكتوبه ليه ..
شبهني بالطفولة ........
والشقاوة المجنونة ..
وانا بدلع عليه
وآلام الحنونة لما بتخض عليه
قال عليا في شعره كتير ..
بيشوفني قماشة حرير ..
قال عليا فراشة ..
وانا حواليه بطير ..
وإني بكون خطر ..
وانا بغير عليه ..
أعدم كل البشر
لو حد بص ليه
قال إني عصبية
وبتنرفز ياما عليه
قال إني كمان طيبة
ودايما معاه قريبة
قوله كمان يا طير
متخبيش عليه
وحشاني ضحكته
ولمسه ايديه
ونظرته وكل ما فيه
قهوته ببن ايديه
بلغه يا طير مستنياه
حافظه سره
صاينه هواه
وبدعيله في غربته
نجمه يعلي في سماه
ليست هناك تعليقات:
إرسال تعليق