كده وكده ..
بقلم الشاعر / محمد عبدالعزيز دراز
---------
حلوة الصبية وحلاوتها
تشغل قلوب وعقول
عيونها مليانه حنية
توقع اجمد اسطول
وتمشي جوه الجلابية
زان بالدهب مشغول
الوش زي البدر
والبدر عنه يقول
يسرد قصايد شعر
ومهما يوصف ويقول
ما يوصف جمال الوجه
والخصر المفتول
وما يوصف نهر الادب
والكلام معسول
ء.............................
صبية وبنت بلد
بين الرجال عفة
وتلف تبيع في اسواق
وراسها بالشال لفة
وطرف شعرها ما بان
ولا حتى في الزفة
وصاينة عهد الرجال
من وهي في اللفة
وسالبة عقول الرجال
لحد ما جتلهم هفة
ء...........................
ست عايشة الحياة
بالطول وبالعرض
تشقى طول النهار
مع جوزها في الارض
تضحك وتتبسم
تطلع جناين ورد
صاينة عهد الرجال
وما فرطت في العرض
ء..............................
وبنت باعت بلاش
باعت علشان بتحب
باعت جسد متهان
لكل ذئب وكلب
وضاع منها اللي ضاع
وناسيه حساب الرب
وخانت عهد الرجال
وفرطت في العرض
ء............................
يا ست فيك الحلاوة
هي حلاوة الروح
واللي يصونك غلاوة
صوني شرفه بالروح
وعمرك ما تشوفي اهانة
ولا قلبك يبات مجروح
طول ما إنتي صاينة
عهد الرجال
وعهد الرجال مش بوح
ليست هناك تعليقات:
إرسال تعليق