رايح جاى
بقلم الشا عر / طارق السيد
رايح جاى ياساكن الحى
ياللي مافيش فى جمالك زى
تشغل قلبي وتسحر عيني
تغيب عن عيني يغيب الضى
تعالى ياخلي ياشجري وضلي
تعالى أقولك ع اللي حاصلي
يوم ماعنيا بتيجي فى عنيك
ياحبيب قلبي إسم الله عليك
ألاقي عيوني بتهرب منك
ويرجعهم شوقها إليك
ولما ألاقيك بتزيد خطاويك
دقات قلبي تسابق فيك
عشانك حتى كمان ياحبيبي
فرشت رموشي بساط رجليك
وإنت ياروحي بكل قساوة
تسيبني وتمشي تدوس على رمشى
تلوف على غيري مع إنك طيري
ولما تهون على قلب حبيبك
زى أنا برضه ما هونت عليك
يذل ويشتري ويبيع فيك
ترجع ليا تقوللي سامحني
قلبي يقولك أنا فدا ذلك
بس بعادك لسه جارحني
سيني لوحدي
ولا أقولك
يكفيني إنك
قولت سامحني
ليست هناك تعليقات:
إرسال تعليق