ادور علي بلدي
بقلم / محمد عبد العزيز دراز
لفيت بلاد وبلاد أدور على مرسا
وصلت أول بلد قلت هنا هارسى
لاقيت ناس قلعة مش لابسة
واقول الناس دي بالبرد مش حاسة
واسأل شبابكم فين والاجابة لسة
هو انتوا كدة على طول عايشين في خسة
مش خايفين ربنا قالولي يا عم انسى
قلت ده دين .. طردوني من الجلسة
-
-------------------------------------------------------
ورسي الحال في بلد كلها شيوخ
تصلي وراهم الفرض تقع وتدوخ
وبعد العشا قيام كله بكا ونوح
وكلام عن ربنا يخلي القتل مسموح
ويكتب وصية وهو منفوخ
وحاسس انه ولي وهو مفضوح
يضحك على شباب بكلام مجروح
اقتل ونل الشهادة وضحي بالروح
ولما قلت ده غلط كان زماني مدبوح
هربت منهم وقلت .. حلاوة روح
ء-----------------------------------------
وعديت على ناس شغل ليل ونهار
وكلام قليل وعمل بجد واصرار
وذمه برلنت وناس اطهار
وساعات الفرح فرح وساعات
الجد جد مش هزار
ناس بتحب بعض و مصممة
تكمل المشوار
تبني مجد بلادها وشبابها
تبص عليهم بانبهار
قلت هي دي بلدي
ومنها ابدأ المشوار
ء+) .. +) ... +) ... +) ... +) .... +) : : : : : :
بقلم / محمد عبد العزيز دراز - بنها - قليوبية
ليست هناك تعليقات:
إرسال تعليق