طواغيت
بقلم الشاعر / محمد عبد العزيز دراز
------------------
آه من ده زمن مليان طواغيت
ظلم وافتري وغش وتثبيت
والطيب المحترم يسموه عبيط
واسمع وشوف معايه اول الطواغيت
راجل لسانه عسل بينقط سكر
تحس معاه كأنه كلامه متحضر
ويعمى عينك عن اللي ليه بيحضر
وتمشي وراه مسلوب الارادة متخدر
وتفوق تلاقي نفسك متباع ومتقدر
وتروح تحويشه العمر ويجيلك السكر
...........................................................................
وشوف ابن الملاعين اللي عليه الدور
جاي لابس بدله معموله من كستور
ويلف علي كل بيت وهو يملك دوور
راكب كرسي بعجل وهو عنده حنطور
ويقولك ده رزقي وهو مليو ... طور
خد علي الشحاته وبقى بها مطيور
وعمل ليها نظام ولها كلام مسطور
دعاء ورجاء ومذله وجسم مش مستور
وطفل خاطفه يلف بيه ع الدور
وهو كله نصب والنصب كله يغور
...........................................................................
باشا م مشي اموره بالغش والتزوير
عامل علاقات مع الغني والفقير
ومصالح تخلص م الموظف والوزير
ويدفع ويقبض ويقلب الشر خير
ماهو اصله بيشتغل ف مكان خطير
بس بيقبل رشوة سموها سوفو نير
وادفع تجد الماء في الزير
وادفع تجد سرعة وبراعة ف التغير
وهو كله نصب والنصب كله خطير
...........................................................................
يا طواغيت النصب والشحاتة ويا مرتشين
الي بتعملوه مخالف لاصول الدين
وعمايل متحرمه علي المتدينين
مسلم او مسيحي منكم زعلا نين
توبوا وعودوا لرب العالمين
ورجعوا حقوق الناس المظلومين
..........................................................................
بقلم / محمد عبد العزيز دراز - بنها - قليوبية
ليست هناك تعليقات:
إرسال تعليق