ياللي تملك نبض القلب:
مسار الحرف صوب عينك سيّرته
يدور داخل حشاك ونبضك يجاريه
ياللي تملك نبض قلبي وما خيّرته
عليك انت تشد نبض القلب وتداريه
منزول لك داخل الحشا بنيته وعمّرته
لأجل يكون لك لوحدك وغيرك يجافيه
وش تريد أكتب بعد وحرفي لك ذللته
بعد مشوار هاليوم وآخر الليل يباريه
مكتوب لك تكون غالي والهمس غمرته
مايطيب جوي والسهر انت اللي تحليه
قيد الجفا والبعد انت فكيته وحررته
طريق الشوق والحنين بانت في خطاويه
شارد الفكر مثل حالي ماظنتي جبرته
يشوف حرفي ولزوم عليه يستانس بيه
احساس انتابني هالساعه وجيت سطرته
عسى يطرب من يشوفه ويتغنى بمعانيه
@عزالدين الحميري@
ليست هناك تعليقات:
إرسال تعليق