لما بشوفك....... بقلم / محمد عبدالعزيز دراز
لما بشوفك يسكت لساني
واحس برعشه تزلزل كياني
وكل الكلام اللي كنت هقوله
وسهرت عشانه الليل بطوله
داب في نظرة وضحكة شفايف
وارجع واسيبك وقلبي خايف
واشوفك واسيبك وصورتك في حضني مصبراني
......................................
يظهر نهاري وارجع اشوفك
اتني بناري ويحرمني كسوفك
واجدد في قلبي نار غرامك
وقول يا قلبي ما هي اختيارك
وارجع اجدد ليكي وعودي
ما انت منايا وجنة ورودي
واشوفك واسيبك وصورتك في حضني مصبراني
............................................
اشوفك واكتب فيكي حكايتي
اقف واقولك ادام مرايتي
في نظرة عيونك يدووب الكلام
واتوه عن الدنيا لمجرد سلام
وانسى الكون وانا معاكي
ويسكن جسمي بس هواكي
اشوفك واسيبك وصورتك في حضني مصبراني
..................................................
بقلم / محمد عبدالعزيز دراز
ليست هناك تعليقات:
إرسال تعليق