ترى معذور:
ماأريدك تكون مثل هالحالة والشعور
خلي الوصل طيف مايفارق خيالك
ماني من اللي تقراه بكلمات وسطور
انا عنوان الغلا في سماك ونبض دلالك
بين الصبح والليل شيدت لك سكة عبور
يظل طريقها تمشيه لوحدك ويبان حالك
لو عسعس الليل الحال عندي ترى معذور
من بوحي واحساسي وجوي يصفالك
هبت نسايم من صوبك لاهي برد وحرور
تاه حرفي ومعاني كلامك في ظلالك
مدري أقول لك مشتاق والبال مسرور
ولا حيران أوصف مشاعري وكله يحلالك
ريمن طاحت عينه بعيني وماخفي المستور
من زود الشوق والحنين وقول لمني بشالك
ياخذني البوح هالساعة ولا صابني قصور
انت اللي تدري بقصدي وأفسحت لي مجالك
عطشان غرام وهيام ولكن القلب تراه صبور
خلك مثل المزن للارض رواي من زلالك
هذا الوصف ياناس ماظني وظنكم يجور
عسى اللي صاحي يشوفه ويقول ياهنيالك
@عزالدين الحميري@
ليست هناك تعليقات:
إرسال تعليق