....... قلم مغلوب......
انا القلم اللي ماسكينه
وعايزينه يكون كداب
وعارف انه يوم حيروح
ومكتوبله في قلب كتاب
بقيت عايش بقولة اه
وقفلوا عليا مليون باب
وانا الحلم اللي كان ليهم
ومعمولي متين سرداب
في ضهري يحطوا سكينه
عشان اكتب بدون اسباب
ولبس الحرف ميت منظر
بيتمنظر على الجلباب
يقولوا اكتب اقول حاضر
مابعمل للزمان دا حساب
بقيت مغلوب على أمري
وبعمل من الفسيخ عناب
ولومره رفضت اكتب
يخلوا الدنيا طين وهباب
من أيدي الحبر يدرمق
وسني من القلم يتساب
صبحت شيطان بصورة ناس
لحد الشعر مني ماشاب
بقيت فيا كاره حالي
وسجني بين جراح وعذاب
وطول الليل اقوم مفزوع
واقول لزماني ليه قلاب
تخلي الحق ليه يتزل
وعنه العدل عدي وغاب
ويبقى الظلم ليه عايش
كبر في الدنيا له أنياب
...........................
كلماتي جمال زياد
ليست هناك تعليقات:
إرسال تعليق