.......... نور القمر.......
السنين عماله تجري
واخده ايدي كمان معاها
والطريق قدامي يطول
والعظام بانت حناها
والمطر حالف ماينزل
والسحاب جواه دراها
قصده تبقى العيشه مره
قال حيقفل باب سماها
والعطش حيدوم في أرضى
والحنين شقق حشاها
راح وجاي الصيف معدي
خد معاه مية شتاها
كل شي أصبح كئيب
والأمور بلغت مداها
جايه شمس نهارنا طالعه
في الضحى بترمي دفاها
شافها بدر الليل راقبها
منها غار قرر ازاها
قال حتبقي الدنيا حلوه
لو اعيش عمري معاها
راح يقول ياشمس هلي
بالغرام يطلب رضاها
فجأه راح يرمي بدلاله
للجميل عاشق هواها
منه راحت دنيا تانيه
والقمر نوره طفاها
زي دنيا تعبنا فيها
والحنان هج وجفاها
.................
كلماتي جمال زياد
ليست هناك تعليقات:
إرسال تعليق