فضل الرضا
شمس الكسوف خسوف قمر
هجوم خريف على الشجر
قدر من صنع ربنا
سبحان ربنا العظيم
ساعة القدر يعمى البصر
مايمنع الحذر قدر
في الغيب عجب مكتوبلنا
مايعلمه إلا العليم
رضينا بيه ترتاح قلوبنا
مانرضى بيه تكتر ذنوبنا
الحكمة دي بتقولنا
نؤمن بحكمة ربنا
الصبر ع البلاء ياسادة
والرضا أكبر عبادة
الصبر مفتاح الفرج
والفرج من ربنا
يامسلمين يامؤمنين
ياموحدين بربنا
إسمعوا النبي الأمين
في الحديث بيقولنا
إاللي بيرض بقسمة ربه
ربنا يرضى عليه ويحبه
واللي مايرضى يعيش مذموم
وماهينول غير قسمة ربه
يارب يامالك يوم الدين
تهدي قلوب الناس للدين
صفوا قلوبكو وتوبوا ياخلق
وأمّنوا بعدي وقولوا آمين
بقلم طارق السيد
ليست هناك تعليقات:
إرسال تعليق