إنسان جبان....
إزاى عايزنى ف يوم ما أخاف؟!...
وأقف واواجه كل سنواتى العجاف...
والقاك نهاية المطاف...
أصلآ جبان...
ايوه جبان....
..........................
أنا مش بخاف إلا من صوت الألم...
لحظة ندم...
بالصدفه...أو مترتبه....
مش ده المهم
كل المهم...
لحظه مجاتش من عدم...
طب ليه تبان.....؟؟!
إنك جبان؟!!!
............................
خلتنى اثور...
واعللى صوتى للسما
وعمق البحور......
وقولت دوسى عالزناد
وراكى واقف مش جماد
للى يفكر يوم يواجهك بالغرور....
طب كنت ليه كاتم لصوتى
وقت ما جت لحظتى
أعلن هتاف؟؟؟!....
ده انا قلبى خاف....
مش من مرار قلبى وماشاف
لأ...
منك كمان....
........................
إعذرنى أنا هعلن بيان...
مطلوب تسيبنى ابقى حره
وانا حره اشعر بالأمان...
او يوم اخاف....
بصراحه ف وجودك أمانى
مش أمان......
أما انت كدبة عمر ليا
وعرفت بعد ما فات الأوان....
ياخساره راح منى الزمن
ملحقتهوش رغم اللى كان...
روح يا دعايه ولون مريح للعين صحيح...
لكن وقت الخطر.....
هتعيش جبان......
وتموت جبان.....
إنسان جبان....
ليست هناك تعليقات:
إرسال تعليق