أكدب عليك... لو قلت لك
إني أدمنت الغياب
عشان غيابك عني يوم
هو دا اللي اسمه العذاب
وكان منايا أخْطُر ببالك
بس حلمي أصبح سراب
دا أنت يا عمري اللي ليا
والحياة بعدك. ضباب
يبقى كل الناس في كفة
وأنت وحدك في السحاب
بلتقيك في كل لحظة
صوت وصورة في الغياب
بسمتك. همسك ..كلامك
حتى لو كان فيه عتاب
انتظرت كتير..... ولكن
صبري اشتكى من الإنتظار
كل ثانية أقول هيرجع
واشتياقي.. ليل نهار
واللي ما يخطر ببالي
إني أنسى الإنتظار
********************
بقلمي أمل صلاح
ليست هناك تعليقات:
إرسال تعليق