حكاية بنت إسمها عهد التميمى
............................
سمعتم عن حكاية بنت ...
إسمها عهد...؟!
يادوب العمر ستاشر
ولكن نبضها....كالرعد
غزال ... فى جمالها زى الرمح
وشعر.. تقول سنابل قمح
ولكن.... حلمها كالوعد
*****
دى عهد ومش يادوبك بنت
دى رمز لأمة... مقهورة
ولكن رغم كل القهر..
تلاقي ف صبرها..ميت ست
*****
نمت روحها ف بيت فرسان
ورضعت حب للاوطان
حمامة فوق غصون زيتون
بتكره لعنة الطغيان
وردة عايشة وسط الشوك
و لكن ..شوكها من أحزان
*****
وليه ماتحزني يا عهد...
وغاصب مد إيده غصب
سرق وطنك
سرق حلمك
سرقة من ضحكتك...السعد
*****
وليه ما تحزني يا عهد
وأمة فاق عددها العد
ولكن زى زبد البحر
راعبهم كلب وف توب فهد
*****
رسالة منى ليك يا عهد
ومن أحرار .. حرائر كل ما ف إيدهم...
كلام عن بُعد
ياريت منك ألاف يا عهد
ساعتها...الناس فى أوطانا...
هتعرف أيه معاني المجد
و ننسى مرار كاسات الذل
ومن إيدك....ندوق الشهد
*****
#جمال_نصير
عن الطفلة الفلسطينية عهد التميمى
ليست هناك تعليقات:
إرسال تعليق