........ حلم شهيد.....
مين ال واقف على الحدود
شال سلاح والنوم جفاه
قصده يحمي أرض سينا
من الحدود حتى القناه
جوا قلبه كتير محبه
صرح يسكن فيه بناه
والإيمان بات جوا قلبه
عشق دايم للا له
على الرمال ساجد لربه
والشيطان عن فكره تاه
والفؤاد فيه حب دايم
جوا قلبه كتير خفاه
حلمه سينا تكون عروسه
يوم زفافها يكون غناه
وعد منه ليها ديما
يبقى غنوه على الشفاه
بس بين لحظه وتانيه
فكره وراح نساه
لم جاله زميله يجري
والرصاص جاي من وراه
كان رصاص الغدر اسود
كلب داعش جه رماه
والبارود في الجسم عدي
من الآلام يصرخ باااه
من الصراخ وقع ضلوعه
في البطون يسقط حشاه
كان شهادته الله أكبر
راح لربه خلاص ناداه
كان بيقولها وحلمه يوصل
جنه شافها في منتهاه
ساب وصيته لصاحبه قالها
وسط سينا يكون عزاه
ليست هناك تعليقات:
إرسال تعليق