كامل الأوصاف
وحياة سحر عماص معاليكي
إللي مكحل رمش عنيكي
وحياة مخاليق سارحة في شعرك
وبتتغذى في راس معاليكي
ووحياة سحر جمال دواليكي
إللي في سمانة رجليكي
يوماتي ليلاتي أنا بدعي لربي
ياخد من همي ويديكي
ياللي مرايتك كرهت رسمك
لما بتتغزلي في محاسنك
أنا مش ضد إنك مش حلوة
ولا قناعاتك بجمال حسنك
بس غرورك إللي غايظني
ومر لسانك بينرفزني
ياللي غارت منك فرجينيا
ياسندريلا في عالم ديزني
إختشي على دمك وإعرفي نفسك
قبل ماتتنطقي باللي في نفسك
يكفيني ربنا شر لسانك
وقت نهيقك وجنون رفسك
لو هتدقي ياحلوة في طبلك
يمسك حبلك سور إسطبلك
ياللي مقتنعة إنك حلوة
ياما حلوين راحو في الوبا قبلك
بقلم طارق السيد
ليست هناك تعليقات:
إرسال تعليق