متاهات
جوا منا كتير حكايات
جوا منا متاهات
بتبعدنا المسافات
بالسنين والساعات
اللي راح م العمر عدى
اللي باقي منه
مش اد اللي فات
شفنا ياما يادنيا ويل
عذاب وظلم نهار وليل
هي الفرحه غالية منك
مين يشفي القلب العليل
اللي فات كله جراح
العذاب فيكي مباح
هي أحزانك يا دنيا
عماله تدينا ببراح
متاهات وعشنا فيها
مغصوبين مش برضانا
لا مره تطيب خاطرنا
على طول مدوخانا
كل ما نكبر ونحلم
نصحى نلاقي الضنا
الحقيقة فيكي مره
دايما بتهدنا
شربنا المر في كاسات
حتى الألم من سكات
نلقى العمر فيكي فات
جوا زحمة المتاهات
بقلم ... حسين محمد صبرى
ليست هناك تعليقات:
إرسال تعليق