***حاكـمْ شفـْتـُو فـمـْنـَامـِي وزيّنْ بـِيـهْ ربِّـي حْـلاَمــِي ***
________________________________________-----------------------------
**استمراراً في التعريف ببعض الكتابات الزجليةالمغربية، المتسمة بتساكن الفصيح والدّارج... يسعدني كثيراً أن أقدم لكم هذا النص الزجلي.... قراءة ممتعة أتمناها لكم أحبتي....
-----------------------------------------------------------------------------------------------
جـِيتْ لرْگادي مْوَضِّـي وتّكـِّيتْ تفكّرْتْ شَلاَّ أُمـُورْ
غـرقْتْ فـنْعاسـِي نـكْتـبْ فدْمـاغِي كْلامْ مسْطور
شفْتْ كِلِّي يْشـُوفْ النّايمْ حاكمْ مَا يتـْعـدّا مايجـُورْ
هَاكّا جَانِي فمْنامِي حقـّانِي يكـْرهْ الظـّلم والزّور
منوّرْ وخـْلـِقْتو زِينـة يطيّح الزّرْزُورْ منْ فـُوگْ السّور
لبلادْ يمشِّيها بالشّوَارْ ولمْفاهـْمَةولْحقُوقْ بـلْـفـُور
شفْتُو حاكمْ متـْواضعْ محبـُوبْ مرغــُوب ومشـكـُورْ
العـدْل مـِيزانْ وبـْحـُبّ الشّعب مـعْرُوف ومشهُورْ
شفـْتـُو فمـْنامِي عجبـْنِي وظلـِّيت فرحان وْمسرورْ
مثـْلُو فبـْلادْ العـُربـَانْ مفقودْ ماعندوأثـَرْ وْلاظـْهـُورْ
وفبـْلادْ النـّصـَارَى مثـْلُو شـَايعْ وْدايعْ وْدايمْ لحْضُـورْ
فبلاد العربان صورْتو مفقودة عنوانـْها ممْنوعْ الظّـُهُـورْ
الـرّكُوبْ نْوَاعْ والـحـجّ علـّبْحـرْيلزْمُـو رْكُـوبْ الْبابُـورْ
التّونـْيـة عـدوّةْ الصّٰوفْ ودْواهَـا ريحـْةْ لخـْزامَا والْكَافُور
بـْلادْ العـُربان عدْلـْها تيْهانْ وْمحْتاجة نـَوْضة منسّمة بلحْرُور
يـمـْكنْ تتـْبدّل لحـْوال ويزْگـَا المِيزان بجهد الله العليّ الغفور
***بقلمي عبد الحق توفيق البقالي ****
ليست هناك تعليقات:
إرسال تعليق