‘‘‘‘‘خيال‘‘‘‘‘
خيال هواكي وأنا الخيال
وبعتلك هنا مليون مرسال
لا رد قلبك ولا جاني ردك
وف بعدك جوايا ألف سؤال
‘‘‘‘‘‘‘‘‘‘
ياتري عشقاني ياتري نسياني
ياتري بتفكر إزاي هتلقاني
وكل أسئلة عشقك محيراني
وأنا ف سراب حبك جوال
‘‘‘‘‘‘‘‘
يمكن يكون عشقك سراب
بس هواكي عني ما غاب
عايشك حلم فوق السحاب
وأنا بين نحوم عشقك رحال
‘‘‘‘‘‘‘
رسمتك صورة عشتها ليل
ورسمت عيونك لقلبي دليل
بس فين إنتي وفين السبيل
وف عشقك مين يرد عالسؤال
‘‘‘‘‘‘‘
ياأميرة أحلامي وأنا الفارس
وهواكي قلبي عليه حارس
وأحلف إني بقرب اللقا حاسس
وتبقي حقيقة مش محال
‘‘‘‘‘‘‘‘
حبيبتي كاتب حبك ف موالي
وف سكتك نويت ترحالي
ورغم إنك حب في خيالي
عايشك أنا ف كل الأحوال
‘‘‘‘‘‘‘‘‘
وبين صورتك وحبك في أحلامي
عايش أنا في هواكي أيامي
وكفاية إنك أحلي أحلامي
ياعمري حيرني فيكي السؤال
‘‘‘‘‘‘‘‘‘‘‘
أيمن بلال
ليست هناك تعليقات:
إرسال تعليق