( ضحايا )
كل يوم ليه فيه قتيل
هو دا رد الجميل
كل يوم ندفن ضحية
الأمان أصبح قضية
إيد الشر هي هي
كل يوم بحور دموع
وصلت حتى للنجوع
المجرم رفض الرجوع
كل يوم كذا أرملة
يسألوا إمتى الفرملة
كل يوم أطفال يتامى
كانوا يتمنوا السلامة
قتلت ليه جنين برئ
قتلته في بداية الطريق
كان لسة حاسس بالبريق
ضحايا أطفال مدرسة
ضحايا جوة مؤسسة
تلاميذ يموتوا بالمدارس
أقباط اتقتلوا بالكنايس
شباب يموتوا بالدسايس
ضحايا بالليل والنهار
ضحايا داخل المطار
أو ضحايا تحت القطار
ليه البشر بتهون عليكم
بدماهم لونتم إيديكم
بقينا زي العنكبوت
بيوجهونا بالريموت
عاوزينا نلزم السكوت
قربنا فعلا م السقوط
ليست هناك تعليقات:
إرسال تعليق