اوبريت .. ( اتكلمي يا مدينه )
الناس :-
اتكلمي يا مدينه .. ساكته ليه حزينه
اتكلمي و قولي ... عن اللي بيجري فينا
القدس :-
انا غير كل المدن .. لا دمشق و لا عدن
انا روح و انتوا البدن ... و ازاي نسيب بعضينا
الناس :-
لابسه توب الحداد ... علي خالد او زياد
بكره هتضحك عيونك ... بايدين كل الولاد
القدس :-
صبرت كتير لقيت ... بضيع بيت ورا بيت
صليت انا صليت ... لكن زاد البعاد
الناس ( بثوره ) :-
و حياة كل اللي ماتوا ... و حياه كل المداين
ل نحررك يا غاليه ... و ندوس علي كل خاين
الكف و فيه سلاح ... جايب شمس الصباح
هتطيبي يا جراح ... هتعود يا اقصي لينا
اتكلمي يا مدينه.. ساكته ليه حزينه؟!
******************************
الناس :-
ازاي سجنك يطول ... مش ممكن ولا معقول
فيكي جانا المسيح ... منك اسري الرسول
القدس :-
مع انكم ملايين .. سبتوا السكه اليمين
نفسي ف يوم حطين .. نفسي ف همي يزول
الناس :-
و حق الإله المعبود .. ل نخطي ع الحدود
ولا يوم هتنامي تاني .. وانتي ف حضن اليهود
القدس :-
سنين فاتت كتير .. واقصاكم أسير
كل اللي جي خير .. بس اوفوا ف الوعود
الناس بثوره :-
و حياة كل اللي ماتوا .. و حياة كل المداين
هنحررك يا غاليه .. وندوس على كل خاين
الكف و فيه سلاح .. جايب شمس الصباح
هاتطيبي يا جراح .. هاتعود يا أقصى لينا
اتكلمي يا مدينه.. ساكته ليه حزينه؟!
سيد صادق
ليست هناك تعليقات:
إرسال تعليق