قصيدة / ( التحدي )
بقلمي / هدى سيد
2017/12/11
حدد قدام عينك هدفك ،
إوعي تقول مش راح يتحقق ،
ليه مستغرب ! سمي وحاول
ايوه بجد لابد تصدق
قوم واتحدى بعزم ما فيك ،
تلقى الدنيا ملك ايديك ،
تلقاها دايما رهن إشارتك
طول عمرك بتحارب دايما ،
علشان تاخد حقك منها ،
وعشان هوه يا صاحبي دا هدفك ،
يعني أكيد هيكون من حقك ،
لازم توصل ، بس تآمن
إن الحلم ده ملكك وحدك ،
عافر وانت اكيد متأكد ،
بس النفس تكون مرتاحة ،
ربك مش هيسيبك وحدك ،
إسمع مني بكل صراحة
طول ما بترمي حمولك عنده
إعرف إنه هيجبر خاطرك
كل طريق مقفول قدامك
هو القادر يفتح سككك ،
بعد ما عشت سنين تتألم
لازم يوم هتدوق الراحة ،
واللي يعيش لازم يتعلم
بعد الحزن الفرحة مباحه
بس ف يوم ما تحقق حلمك ،
افتكر اني ، كنت تملي
كتفي ف كتفك ، ضهري ف ضهرك ،
وإن إيماني بيك ما اتهزش
وإن الحلم ده كان بين إيدك .
وإنت أكيد حققته لوحدك .
ليست هناك تعليقات:
إرسال تعليق