فيلم الموسم
هقولها ع المشاع
خلاص القدس ضاع
مش راجعلنا إلا
يا خلق بالدراع
عدوكم يخاف
صحيح مايختشيش
بأم عينه شاف
حاجات ماتتحكيش
ماشاف إلا الهتاف
والرفض والتهويش
وهزكم كتاف
وكتافكم ماتساويش
الفيلم إسمه الهوان
والذل في الأفيش
برابر مستكينة
وديوك نافشة ريش
والماستر سين مهين
رجلين ع الخدود
وإذدراء لدين
وفجر ع الحدود
من إخراج رابين
بداية الفيلم كانت
برابر إستكانت
لديوك مستذئبين
ولما اللحظة حانت
قامت ثم عامت
غرقت في بحر طين
وفي أخر الحكاية
ينزل تتر النهاية
وينسدل ستار
على نجمة وسط راية
وشيطان المدينة
ترامب إبن اللذينا
بيرقص ع الجثث
رقصة باليالينا
بقلم طارق السيد
ليست هناك تعليقات:
إرسال تعليق