القدس إسلاميه عربيه فلسطينيه
-----------------------------
أمريكا في وسط اللمه
قالت عـ القدس كلام
قال ايه القدس تبعنا
ملك لصهيون وسلام
قامت علطول حكامنا
ردوا على ترامب تمام
شجب وإنكار ومعاتبه
إعلام كدب وأفلام
قوم نام يا فقيرواتغطي
لحسن تتصاب بزكام
النخوه سنين وأهي قاطعه
قول للوطنيه تنام
قالوا فلسطين مش راجعه
من تسعه وستين عام
ولا البشوات مش فاكره
بعتوها ساعتها بكام
دلوقت عرفت الفكره
القدس بقت أحلام
ضاعت ونخاف من بكره
يتباع حتى الاسلام
------------------
هشام عوض
7 ديسمبر 2017 م
ليست هناك تعليقات:
إرسال تعليق