(قصيدتي المتواضعة فيها وصف المأساة بالشتاء )
قاسي يابرد الشتي مابترحم البردان
مسخر بأمر الولي الرزاق سبحانو
ماشفت في كم طفل تحت السما بكيان
دمعات متل الدرر عا هالبشر هانو
ارحم يا رب البشر لكبار والشبان
لنو قلوب الخلق عهد الوفا خانو
ماعاد عندن عطف ماعاد في تحنان
عا شيخ ينزف وجع يمو الربع كانو
وماعاد غار الرجل حتى على النسوان
يلي بعز التلج وسط الفلا بانو
يلمو قرامي الخشب ويدورو عشنان
وخبزات جار الرضا لكانت لصيصانو
تيعيش طفل انضنى بيزهوة الريحان
قاعد بيرجف برد ويتكتكو سنانو
لاسقف رد الشتي ومهبطة الحيطان
ولباد بلو الجدا واهل البيت عانو
وبالليل هب الهوا بيكسر لأغصان
والريح يعصف عصف ومطيلق عنانو
ماتسمع بهالبرد إلا صوت سرحان
يهجم عراعي الغنم وينوش خرفانو
بدعي إله العرش وبقول يارحمن
يا آمر العنكبي بي نسج خيطانو
الطف بحال الكهل والشب والولدان
يلي امورو بين حرفينهم كانووووو
يلي امورو بين حرفينهم كانووووو
.......بقلمي ...
والله المستعان
ليست هناك تعليقات:
إرسال تعليق