يوم التناد
ياللي شيطانك ساكن فيك
والوسوسة بتأثر فيك
إسمع مني ياعبد نصيحة
نصيحتي أنا ليك من خوفي عليك
إوعى حصانك يشطح بيك
أبوس في إيديك ودماغ معاليك
إهتدي يلا وتوب لباريك
مانتش قد النار وعذابها
ولا قد إللي هيحصل فيك
جهنم واسعة وليها أبوابها
أبوابها أنيابها هتنهش فيك
ياحسرتاه على العباد
عاجبكم ليه لون السواد
هيجي يوم زي الجراد
نموت نقوم يوم التناد
يوم بخمسين ألف عام
يوم عسير على اللئام
إصحى وفوء ياجناب معاليك
معملتش حسنات ليه تزكيك
ليه ماعملتش حاجة للأخرة
كان فين عقلك ليه كان صخرة
ليه ماكنتش دريان بذنوبك
وإنت ذنوبك دريانة بيك
خلاصة القول إسمع معاليك
ياهتهتدي يااللعنة عليك
يإختصار تختار الجنة
ولا النار إللي هتشويك
بقلم طارق السيد
ليست هناك تعليقات:
إرسال تعليق