ريحك يا الدنيا مايونس وهواك مايديرواعليه الناس
انت الفانية الي كاتهوس والطامع مايدير فيها لباس
من صغري وانا انخمم وتخمامي تلفلي هاد الراس
سامحني ياراسي ابغيت انكوليك
الحياة معلم والزمان اقياسها
ولى اتقيس فالدنيا لبحر ينقاس
ولا تحسب لزمان ماتدركو حتى تحبس لنفاس
ياراسي جيت لدنيا اضعيف والضعف داير فيك حالة
ما شداك غير لكماطة والحمال والحمالة
اكبرت ياراسي وليت تحلم لبدا بالنوار
مالك يا لحمق عايش افتغيير واغيار
عشت لبارح واليوم ومالك على هاد التفكار
انت ازرع نوارك انت نوض عمر الدار
خليني يا راسي نحلم بشبابي
خليني ياراسي نسي ليلي بنهاري
خليني لليوم لمن ابوح بسراري
بعدما ابنيت وعليت لعلالي
واكبرت وكبرت واسهرت الليالي
اليوم ياظهري اتهليت وليت اهلالي
المخ المخيخ امشا واركب امع التولي
خليني عايش والطريق اطويلا
واعلاش انفكر كل يوم وليلا
المكتوب امقدر وما بيدي حيلا
بقلم مصطفى القندوسى
ليست هناك تعليقات:
إرسال تعليق