باقي ايام قليلة وتنتهي سنة بكل تفاصيلها ومواقفها.. باحزانها..باوجعها.. بنجاحها وخفقاتها وتبتدي سنة جديدة وبداية جميلة في كل شئ بإذن الله
عارف انه ممكن تكون فى اصعب اوقاتك دلوقتى عارف انه ممكن متكونش حياتك مشيت زى ما كنت مخططلها او زي ماتمنتها او اتوقعتها عارف انك ممكن تكون بتمر بازمه ماديه او ديون او انفصال او وظيفه مضطر تقبلها لانه مش متاح ليك وظيفتك الى بتفضلها او بتحلم بيها و عايز تكمل فيها بقيه عمرك عارف انك ممكن تكون بتتألم وتايه ومشوش ومش عارف الطريق منين ولا يبدأ ازاي عارف انك اتخذلت واتوجعت مليون الف مرة من ناس وحد كنت فاكر انه ااقرب شخص ليك و انه طوق النجاة او السند او اليد والعصا السحرية اللي حتنجيك وتسعدك وتغيير كل مسار حياتك عارف انك ممكن تكون دلوقتى بتجلد نفسك لانك عشت ال 20 او ال25 او ال30 سنه الى فاتت من حياتك وكأنهم اتسرقوا منك انك معشتهمش مش انت ولا طموحاتك ولا احلامك وكأنهامش حياتك بكل تفاصيلها ومواقفها بالاشخاص اللي فيهابالاخطاء اللي فيها بكل ما فيها
السؤال هنا ليك وليها طب ايه؟
ناوي تكمل كده على طول امبارح زي النهاردة زي بكره زي السنين اللي عدت عايز تفضل حابس نفسك جوا سجن ذكرياتك والماضي اللي كله الم ووجع وندم ومليون ااااه عايزتفضل حاطط ايدك ع خدك وشايف كل شئ بيتغير قدامك وانت لسه قاعد في مكانك هوا هوا بتتفرج وبس؟
لحد كده ونقول كفايه
كفايه لكل الم كفايه لكل دمعه كفايه لكل شرخ قسمك نصين كفايه لكل مبتز ولكل مستغل ولكل حاقد ولكل سارق لهوايتنا ضيعنا وضيع ملامحنا معاه كفايه للظلم وخصوصاً ظلم نفسك كفايه للكدب كفايه للاعذار واختلاق اعذار كفايه للكسل والتسويف كفايه للكسوف والخجل والتضحية انك تقول لا عشان مصلحتك وعشان نجاحك وراحتك وساعتك لحساب ناس متستهلش ومبتعرفش تقدر ده وتفهمه صح ودلوقتي عايزك تبتديها صح ابتديها من جواك وبيك بالوعي والتخطيط والالتزام والصبر الدؤوب و التسليم لقضاء الله وقدره بس بشرط بالسعي والمبادرة والحركة والاصرار والأمل والتفاؤل قال الله تعالي{إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ}نقول بسم الله وكوباية شايبالنعناع،ومكان هادي انت بتحبه وحتكون فيه لوحدك مع نفسك من غير اي ازعاج او تشويش خارجي طيب
ااقعد قاعدة مريحة وتكون فيهاخالص خد نفس وغمض عنيك حاول تفتكر كل التفاصيل اللي مرت عليك طول السنة من مواقف واحداث سواء كانت مؤلمة او سعيدةًلأشخاص دخلوا او خرجوا من حياتك لعلاقات عاطفية او شخصية ارتباط انفصال في الشغل في الشارع لاحتاجات او لامنيات او لاحلام سواء حققتها او لالمهم فكر في كل شئ حصل في حياتك خلال السنة ديه وكانوا شريط فيديوقدامك خلاص اتفرجت ع احداث الفيلم
ودلوقتي جاااه دورك عشان تبدأحاول تنسى اااه انسى او بمعني اصحتناسي بتعمدانسي كل الم وكل خيبة امل وكل وقعة او فشل في تحقيق اي امنية او اي شئ كنت عايزة ومحصلش انسي اي علاقة ارهقتك وتعبتك واستنذفت طاقتك وبرده وموصلتش لاي لحاجةخد منها بس الدرس اللي تعلمته او ايه الحاجه الايجابية اللي طلعت بيها وع فكرة ممكن تكون هي هي نفس النقطة اللي وجعتك اوي وغيرتك امسكها وافش فيها واستفاد منها وافتكرلا يلدغ المؤمن من جحر مرتين واللي اتلسع من الشوربةينفخ في الآيس كريم
ابدأ دور ع نفسك جواك واتعرف عليهاسايسها وصالحها واعطف عليها وحبها واديها العذر بكل اللي مرت بيه من الم وهم وفشل وخاليك عارف ان المقياس الحقيقي لنجاح اي شئ هوعدد المرات اللي وقفت فيها تاني ع رجليك واستعدت توازنك فيها بعد كل وقعة او فشل وبصراحة الفشل في حد ذاته مش فشل الفشل الحقيقي في الاستسلام وتكبير الدماغ والاعتمادية والانتخة
هات ورقة وقلمواسأل نفسك واكتب ايه اللي انت عايزه بالضبط او ايه اللي نفسك فيه ايه اللي بتحلم بيه ونفسك يتحقق في جميع الجوانب ع جانب الشخصي المادي الروحي العقلي الاجتماعي الترفيهي كل شئ سواء كبير او صغير اوعي تستهيف او تقلل من اللي محتاجه او بتحلم بيه او حتي تستصعبه وفاكر انه عمره ماحيحصل او حيحصل ازاي كل شئ عايزه ونفسك فيه اقسم بالله حيحصل لانك تستحقه وتستهله بس المهم انت تتغير من جواك وتآمن بنفسك وقدرة الله عز وجل مافيش حاجه مستحيلةاوعي تستسلم غير افكارك ونظرتك للاشياء والمواقف والمشاكل مافيش مشكلة ومالهاش حل ومافيش حاجه دايمه كل شئ وليه نهايةبس المهم احنا بنبصله ازاي ونفكر فيه ازاي
خلصت كتابه طيب ودلوقتي اسأل نفسك ازاي احقق اللي انا عايزه وابدأ باللي معاك واللي جواك امن بقدراتك انت قدهاابدأ فكروشغل مخك اعملها ازاي محتاج ايه علشان تقدر تحقق ده حط كذا حل وبديل ادامك خطط اشتغل ع حالك ونفسك نميها وعيها طورها ثقافها املاها نور وامل وتفاءل اقراسأل استعين بالاشخاص الناجحين الواعيين الايجابين غذي روحك و إملاها وشبعها بحب لله و قدرته ولطفه ورحمته استهدي بنوره وثق في تدبير اموره ليك لانها كلها خير ووراها حكمة وفايدة انت مش شايفها كويس واستقوي بيهإلجأله وااطلب منه العون والمساعدة والهداية وافتكر كلامه عز وجل وَقَالَ رَبُّكُمْ ادْعُونِي أسْتَجِبْ لَكُمْ وعدك بالإجابةبس مستنيك منتظرك تدق ع بابه ويكون هو سبحانه وتعالىاول حد انت تجري عليه وتلجأله وتسأله وتناجيه وتطلب منه مستني ايه بقايلابقا كفايه كل اللي ضاع النجاح وفرحته جميلة اوي ركز عليه علي اللي عايزه قوي قلبكومتخافش المحاولة تستاهل لان النجاحيستاهل وافتكر النجاح مش معقد النجاح حاجات بسيطه تتعمل كل يوم بصبر وحب والتزام واستمرارلحد ما توصل للنقطه اللى نفسك فيهاومنها هتخطط لنقطه اكبر تانيه وتوصل لشئ وحلم اكبر
وخاليك عارف ان مع بداية كل ثانية وكل دقيقة وكل نفس وكل نبضه وكل يوم جديد بتمر بيهفيه بداية جديدة فيه امل جديد فيه حلم جديد فيه حب جديد فيه حياة ونعمة ربنا بيوهبهالك استغلها واوعي تضيعهاوخاليك ذكي ولماح وفاهم مش حافظوافرحوا بقا
لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا مسائكم احلي من العسل
ليست هناك تعليقات:
إرسال تعليق