الحب يصنع المعجزات
============
مولود ومشلول يا ولداه
حظه قليل والنحس معاه
يشوف ويتألم بالاه
ودكاترة بتقول امله معاه
يشعر بحر يقول الطقس
وعنده يعنى مركب نقص
عصبى يحاول برضه كتير
وعلاجه مربوط بالتغيير
يتمنى يمشى زى الناس
ويحب برضه او يتباس
يغير بسرعة كده على طول
لما يشوف أحباب فى النور
ويحلم يكون له برضه حبيب
يحبه يعنى ويبقى طبيب
لكن ده خجله بيبقى ماليه
ويخاف من الحب ولياليه
وفى مرة شاف فى عنيه ده غزال
جمال وخفة وعال العال
وأتمنى يبقى فى لحظة وصال
وترضى بمرضه ووصفه عضال
وقال فى نفسه هل معقول
هيام توافق تكون لى فى يوم
وتبقى زوجة لهانى سرور
والحزن يتبدل لسرور
وكأن يعنى ده حلمه دعاء
وصل بسرعة لأعلى سماء
والنظرة ربطت بين قلبين
وقالت له أنت فى نن العين
وبدأت تعالجه بابتسامات
وقالت له يعنى الاشتراطات
بتحبنى لازم حتقوم
تجرى وتترك اى هموم
وكأنه طفل فى طور تعليم
وثق فى نفسه بحب كبير
وقالت له حاول بالتمرين
تقف بقوة وتمشى كتير
وتغريه بنظرة وابتسمات
وفى حضنها تضمه بعبرات
والحب يعمل مستحيلات
وقام وخدها فى حضنه ساعات
وبكوا بفرحة الانتصارات
واتجوزوا وعاشوا فى تبات
وانجبوا فى بنين وبنات
الحب لو صادق بالذات
ممكن يحقق المعجزات.
مع تحيات الفقير إلى الله
ياسر شرف
كبير محررين مترجمين
باتحاد الاذاعة والتلفزيون
ليست هناك تعليقات:
إرسال تعليق