بعتذر ( أشعار : كرم محمد )
بعتذر
ايوه بعتذر
بس لقلبى
الى غلط
فى يوم و حبك
و كانت غلطته
إنه صدق
إنك حَتوْفى
مره بوعدك
أيوه بعتذر
بس لقلبى
إِلْىِ صدق ...
مره كلامك
و عاش فى وهم
أسمه غرامك
ايوه بعتذر
و مش ناوى أغلط
الغلطة تانى
( هي ) غلطة !!!
أيوه غلطه و نادم عليها
مش ناوى ارجع تانى ليها
( هى ) و أنا .. خلاص بعتنى
انت الى بعتى القلب الى حبك
و خنتى حبى و نسيتى عهدك
و كل الى بينا فى لحظة ضاع
من غير حتى كلمة وداع
جايه ليه !! تِبْكىِ عليه
و لا جايه ؟ تِبكى عينيه
( هي) كرهتنى
أكدب عليكى لو اقول كرهتك
بس مش اعيش تانى بجرحك
حبيبتى صدقينى الى بينا
خلاص نسيتنه
و مش حرجع تانى ليكى
و لو عمرى كان بين أديكى
انت بعتى مره
و أنا عمرى ما حشتريكى
( تبكى و تبدا بالانصراف )
خلاص حبيبتى نزل الستار
و شبعت انا عيشة فى مرار
خلاص حبيبتى نزل الستار
# بعتذر
# أشعار : كرم محمد
Mohamed Hamed
مسيو راضى الخياط
Magdy Haroun
د.محمد العزكي
نعوم مكرم
Nermin Ahmed
الكاتبة سماح عبد الله
ليست هناك تعليقات:
إرسال تعليق