بيت الأنبياء
محتاجين أيوب فى صبره ...... محتاجين يوسف فى فكره
نـــوح هنتعلـــم صمــوده ....... والشيطان ده كرهنا كبره
......................................
شفنا من موسى الشهامة ...... عفته كانت علامـــــة
لوط يحـرم فـى الفواحش ...... راح نطيعه للسلامــة
......................................
شيث هـدية رب قـادر ....... بعد اخوه لو كنت فاكــــر
ربك الرحمن يعوض ....... بس لازم تبقــــى صابـــر
.......................................
جه شُعيب حارب خيانة .......... كــل بيــع للنــاس أمانـــة
وامــا غش يخش فيــها ......... راح تروح بركة وحصانة
......................................
الخليل سلم لربـــــه ........ ضحى بابنه اتحدى قلبه
قبلها فى النار رموه ....... ميـن هنــا يضـحى بذنبه ؟!
......................................
هود أمام جبروت يحـــارب ...... رمـــز قــدام كل غاصب
النجاة ف رضى الإلــــــــه ...... مين يطيق الرب غاضب ؟!
........................................
يحيى مات مغدور وابوه ....... حق ليه الناس دبحوه ؟!
اليهود مغضوب عليهم ....... كام نبى اتعدوا عليـــه ؟
.........................................
عيسى جه للحب ينشر ....... علمك ترحم وتستـــر
عاش بسيط ملهش بيت ....... انت أغنى ومش بتشكر
..........................................
والنبى الهادى الأمين ....... جه لخيـــــر العالميــــــن
منهجه يسر وسماحة ....... حُــجة ع المــتعصبيــــن
...........................................
اصطفى ربك نفوس ....... نــورت نـور الشموس
ظلمة الكفر الخبيثة ....... تحت رجليك يلا دوس
حسن رمضان ـ كبير باحثين بالوعظ بالأزهر الشريف
ليست هناك تعليقات:
إرسال تعليق