صحيفة سوابقك بتحكي عليك
وبتقول انك انت مسجل خطر
وعذبت ياما فغرامك كتير
وصيتك يا انت وصل للقمر
بتحكي حكاوي وتسحر قلوب
ولساك فاكرني هاصدق عنيك
لما تقوللي في حبك بادوب
راح ابعد وقدامي صورة ماضيك
ضحايا غرامك وصرعى الهوى
وعارفه فؤادك علي ايه نوى
اكون له ضحيه في قايمة ضحايا
صرعهم غرامك ونار الجوى
صحيفة سوابقك لا هانساها يوم
لا هانسى ولا انت هاتقدر تتوب
ولا حمل جرح جديد في الغرام
ولا فقلبي حتي مكان للندوب
صحيفة سوابقك ملآنه بتهم
عشق وخيانه وغدر وألم
ف ابعد ياانت ماليش دعوه بيك
كفايه الام قلبي اللي انظلم
كفايه الام قلبي اللي انظلم
فاطمه خاطر
ليست هناك تعليقات:
إرسال تعليق