أعمل إيه إبراهيم خليفة رمضان
يا سكون الليل
فيه طفل بيصرخ لما يشوف الكون
علشان الكون مليان جراح
وحروب ودمار
والدمعة بتاخد دم الفجر من الشريان
والطير بتخبي اعيالها وسط الشوك
علشان اغراب البين ميطلوش الروح
يسحبها بطوق الموت
ويزيد الجرح جروح
يا سكون الليل
فيه طفل يتيم بيخاف منك
وعلي كد الحافه قرفص رجليه
في سكونك شايف
بركان مستني
شيء من جوه بيصرخ ويقول
ولاد الايه
قتلوني بذلي
وانا اعمل ايه
ليست هناك تعليقات:
إرسال تعليق