(بعد الستين )
اليوم
بعد ما عمري
فات ستين
فيا الصحة
بس حزين
حاسس ان
الموت بيقرب
عمال باهرب
عندي حنين
فاكر لمة
لعب الكورة
ولعب الدمينو
الفورة بفورة
مين في اللعب
بيغلب مين
نفسي لو ارجع
بس يومين
قبل الشعر كمان
ما يروح
قبل القلب
ما يبقي جروح
قبل النبض
ما يبقي أنين
قبل ما أكون
خمسة وعشرين
وقبل ما أحب
وقبل ما أدوب
قبل ما أبص
لأي ذنوب
عاوز أرجع
يمكن أتوب
يمكن أحس
اننا رايحين
عقل وراس
وايدين وعنين
كان تفكيرهم
بس في دنيا
ثانية في ثانية
تجر سنين
قلبي بيسأل
عقلي وقاله
قوللي طريق
الجنة منين
بص العقل
في ثانية ودله
ارجع هات
م العمر سنين
صلي الفرض
وحب الطاعة
عمرك ساعة
وذنبك دين
حب الحب
كأنه رضاعة
عيش بوداعة
ليوم الدين
بص القلب
بسرعة وقال
إنه محال
حتي دقيقتين
عمرنا راح
واتباع بالمال
كله اتشال
بعد الستين
ليست هناك تعليقات:
إرسال تعليق