ياسكنانى
-----
انا من اول الدراويش
ياسكنانى وانا المسكون
بقيت ملطوش من الملاطيش
لطشني عشقك المجنون
مفيش غيرك ف قلبى؟ مفيش
مانا بيكي باكون مفتون
واصلي باسمك الحضرة
وباطوح ومن نظره
باكون هايم على اعتابك
وباتنشق على عتابك
عشان ماارضي
عشان مااصفي
وتيجي روحي تتصفي
على بابك
انا التايب ومن ذنبي
يتوب ربي
وعنك روحى ماهتوب
ياعشق الكل في عمرى
ومن نظرة لقلبي يدوب
وكحل عنيكى دوبني
وانا الغالب وانا المغلوب
رجعت اطوف على دارك
واوفي الندر كرمالك
ندرت القلب طعمالك
وللمساكين ..وعشاقك
ومن حضرة لاشجانك
تنادى روحى ف بعادك
لنظرة عين ياعشاقة
تطفى لقلبي اشواقه
مانا الدرويش ياسكنانى
وليكى هاعيش ومن تانى
----
طارق العيسوي
ليست هناك تعليقات:
إرسال تعليق