كل شئ في البحر عام
بس عندي كان تمام
شال و هدهد بإنتظام
تِقلش أم حنون مُرام
الموجة تيجي عندي تهدا
و السمك بيدّي فكرة
بيقرّب اليوم و بكرة
لحد ما رسمت بكرة
بعدها
جات الرياح
و الزوابع الملاح
طيّرت شعار سفينتي
كل شيء أصبح مباح
تصدقوا
حسيت أنا بارتياح
ايوة ارتياح
بقيت زيي زي البشر
بنتمسك بورق شجر
و نستغطي بالمطر
لا المطر نافع غطا
و لا الشجر طوق النجا
و بنترجّا يجي الهدي
بس الهدي عايز فدا
و الفدا علي النفس صعب
الموت. بيربي رعب
أيوة بيرسّي المراكب
بس برضو إسمه رعب
يبقي كيف الناس هترضي
تفدي يومها و تفدي بكرة
يمكن لو شراعها طاح
و كل شيء يصبح مباح
وقتها يهون الفدا
و الموت يصبح هدي
بيه نسود على العدا
مش هتفرق
تعالى بس اقعد كدا
و هاتلي شاي في الركن دا
أعدل دماغي بمعلمة
و أنسي وجود كلمة فدا
محمد التوني
ليست هناك تعليقات:
إرسال تعليق