اسمى الكام ف الكشف
قول يا بيه وما تخفش
ده اللى قبلى كان شبهى
دمه هو دمى ونفس الحلم
واسمى الكام ف الكشف
واصل اللى شبهى عمره
مكتوبله قليل وحلمه جميل
حلمه يكون انسان
مش عايش بارض النسيان
قولى يا بيه متخافش
اصلى ماشى بالكفن
وموصى كمان ع النعش
قولى يا بيه رقمى كام بالكشف
ولا هكون مفقود ويتشطب اسمى
من سكات وجارى البحث عليه
كلمه تتقال للعيال
واسمى الكام ف الكشف
قول والقلم مقصوف ما بيكتبش
وكمان الدنيا مليانه غش ف غش
واصل الكرسى معروف
لا يهش ولا ينش
ولدينا حكومات باقيه بارض النفاق
واصل النفاق بيقفل ابواء
ولا عمر يوم هيكون للنعش
جيوب ولا مكان للهدوم
قول يا بيه الاسم الكام
علشان نودع الام والاخ
والعم والخال والوليه والعيال
واسمى كام ف الكشف
كمل يابيه ماتخفش
طبورنا طويل
اصل احنا جيل رافض
يطيع يطبل ولا يكون
ف يوم من العميان
وقولنا نموت بدل
ما نكون جيل جبان
وقولى يا بيه الاسم الكام
عبدالله العراقي
ليست هناك تعليقات:
إرسال تعليق