(عشق ممنوع )
ولو عاشقة
فانا زيك
بقضى الليل
فى تنهيدة
وغرقة
من بحور ضيك
وبارسم وصل م الفرقة
وبالبس حلو واتشيك
عريس شايف
عروسته ملاك
وراسم م العيون شباك
وكاتب مسكنه فى حيك
وبيشوفك خيال مكسوف
ومهما الدنيا بتعانده
بيتحدى لاى ظروف
لا عمره فى مرة بان ضعفه
ولا استسلم ومات م الخوف
وفاكر جنته فى غيك
واتارى حقيقتك المرة
بتعشقى اده مية مرة
ولكن عشقه كان ليكى
وعشقك كان لناس بره
لا سهروا فى يوم على اعتابك
ولا فى يوم دقوا أبوابك
ما فيش أكتر من ازيك
صحيح ان الفراق مكتوب
وقلبى الحر صار معصوب
لكن عمرى ما أكون زيك
لا هتجنن وأحدف طوب
ولا هزود ذنوبى ذنوب
وأكيد ربى اللى خلقك يوم
خلق تانى بنات زيك
#محمود_المزين
ليست هناك تعليقات:
إرسال تعليق